गावाचे राजकारण ..... !!!

हुतात्मे म्हणून गेले आजचा

भारत गावागावात बसतोय? 

बघायला हे तर खरे ठरतंय

पण गावांच्या राजकारणात 

घोड मध्येच कुठेतरी  पेंड खातेय.

भाव विरुद्ध भावाला ,

बापाविरुद्ध लेकाला,

ठरवूनच  लढवले जाते .

कुरघोडीचे राजकारण

गावाबाहेरून पढविले जाते

स्वार्थी लोकांच्या हाती

गावाचे गावपण जाळून जाते

लढणारे जिंकतात-हरतात
काही जन हरून जिंकतात,
पण गावकरी मात्र हतबल दिसतात

ग्राम पंचायती म्हणजे

नवे राजकीय सुभे आहेत.

लढतात एक,हारतात दुसरे

तिसर्याचेच ग्राम पंचायती वर

ताबे आहेत .

तिसर्यांच्याच सांगण्यावरून

गावा गावात दुह्या आहेत !

लोकशाहीच्या नावावर

ह्या वेगवेगळ्या ठोकशाह्या आहेत.

गावोगावी ग्रामपंचायतीचा
जाहीर लिलाव मांडला जातो !
हे अघोरी मार्ग बघून
लोकशाहीचा श्वास कोंडला जातो.

राजकारणी देतात पेटवून
गावं मग धग धगत राहतात .
पेटलेल्या ज्वालांची मजा
मनसोक्तपणे बघत राहतात .

आपण पेटलो गेलोय
हे गावांनाही कळालेले असते !
तो पर्यंत मात्र गावाचे गावपण
बुडासकट जळालेले असते ...