जे राहिले ते राहिले
भागणारांचे भागले आहे
माझ्या धरम - निरपेक्ष
लोकशाहीला कसे ग्रहण
लागले आहे !!
ए.राजाच्या बेंडबाजानंतर
नवा एस.बॅंड वाजत आहे.
हजारोंच्या नंतर लाखोंचा
महाघोटाळा गाजत आहे !!
खरे काय? खोटे काय?
वास्तव ’देवास’ ज्ञात आहे !
लोकांच्या इस्त्राळूपणाचा
घोटाळ्यांच्या मागे हात आहे !!
वरवर प्रजासत्ताक' आतून
नेतेसात्तक राज्य आहे.
प्रजेपेक्षा खुर्चीच
सरसकट पूज्य आहे !!
जय जयकार हरामखोरांचे
गोरगरिबांची छी थू आहे.
गिळले त्याने स्वराज्य ,
राहुला सामील केतू आहे !!
सुटणार ग्रहण कधी ?
हीच एक सल आहे.
दिसते शब्दात नेराशा जरी ,
हे ग्रहणफल आहे !!
झाकतो आम्ही पुढून सारे,
उघडे मात्र मागले आहे !
माझ्या धरम - निरपेक्ष
लोकशाहीला असे
ग्रहण लागले आहे !!
No comments:
Post a Comment